Is Media spreading hopelessness?

Media can play havoc with the mind of a naïve user! The curious case of Syed Hassan Rizvi’s suicide strengthens this assumption more than any other thing! YouTube page of this young man of 24, who committed suicide together with his nephew and sister-in-law two days ago in Gujranwala, reveals his obsession with death and horrible impact of media on his credulous mind. On the night before the fateful day he uploaded his confession in a 12 minute self recorded video titled “Gunahon se nijat” (salvation from sins). He counts disrespectful way of addressing Allah’s name and cruel treatment towards animals and birds as the major sins that are pushing him and his family towards this extreme step! He reverently recalls his brother who showed him this ‘enlightened’ path of salvation. His brother was found dead a month ago in mysterious circumstances. Probably he had also committed suicide to get rid of his sins!

  

Two weeks before committing this weird salvation ritual Hassan Rizvi uploaded a clip from Shoaib Mansoor’s famous film ‘Bol’ in which a hysterical Zainab (Humaima Malik) asks some harsh questions before being hanged. “I sought revenge from my father for giving birth to me. My father didn't produce eight children rather he killed eight children. I want to leave a question behind me and I want all of you to ask this question to this society. The question is why is it only a crime to kill and not to give birth? Think about it. Why isn't it a crime to give birth? Ask, why it is only a crime to give birth to an illegitimate child? Why isn't it a crime to produce legitimate children and ruin their lives?  Make people understand they should not produce more beggars. There are already a lot of crying faces and aging lives. Why do you give birth to them when you can't feed them?” A frantic protagonist of the film Zainab asks in a chilling voice!

The choice of this particular movie clip shows that Hassan might have been on path of suicidal thoughts since long and the movies like ‘Bol’ not only geared his pessimism towards life but also gave him enough justification for committing this horrible act. This impression intensifies when the theme of Bolechoes in his confession although it is shrouded in his own misplaced logic. “We should not produce children because by producing children we are committing more sins! Man is pushed towards doing many wrong things in order to feed his children. Our child is the beginning of such sins the limits of which we can not fathom. Parents who ‘force’ a child to come into this world are responsible for not only every pain that the kid suffers from but also for the sins of the child and his coming generations too” says a visibly bewildered Hassan.  The reasoning may look absurd but it is no more absurd than Bol’s much trumpeted ‘bold message’!

Certainly, a vicious media propaganda can not be the sole reason behind suicide of a whole family as media’s imprint on minds of viewers has its own limitations. Financial hardships, half-baked religiosity, sense of self-righteousness, narrow vision of the outside world and a genetic tendency towards suicide might have been some of the key factors pushing the unfortunate boy towards an unceremonious ending. But the role of media providing impetus to the vulnerable minds to do unthinkable acts can not be ignored at all. Through his avant-garde idea Shoaib Mansoor tried to shake the conventional mindsets of ‘ignorant’ Pakistanis in his film but he miserably failed to realize that some of his viewers like Hassan would entirely misinterpret his message and this film would intensify their sense of helplessness and hopelessness in a frenzied society lurking at the brink of chaos!

Last year America went into deep shock when a young man James Holmes, 24, killed more than dozen and injured many in a Colorado theater shooting at the screening of new batman film ‘The Dark Knight Rises”. The deranged suspect was wearing a head to toe gear resembling villain of the film and had his hair dyed in red. He called him ‘Joker’ of the film at the time of his arrest outside the theater! It would be entirely unwise to blame Warner Brothers for making such a violent film that motivated a mentally ill person to copycat the villain of the film in such a horrific way but the role of the media in such unfortunate incidents can not be denied entirely. In most of the cases messages emanating from media productions are so poorly encoded that they are misperceived or misinterpreted by deranged people like Hassan and James! Shoaib Hasmi might have wished to stir stagnant thinking of a conventional Pakistani society through Bol (Speak up) but what Hassan has spoken is very disturbing and horrible! Warner Brothers might have tried to give the message of fighting against evil in ‘The Dark Knight Rises’ but what James had learned from the film is very deplorable!

It is a big question whether our media is spreading despair and desolation in our society by painting everything in bleak colors or not but it is obvious that with the increasing access of media to more and more people owing to revolution in technology, ratio of general happiness amongst our people is declining rapidly. It seems that our society is in grip of a never ending gloom. Clouds of hopelessness are becoming darker with every passing day and our media is continuously watering the desperation in society in order to enjoy a better rating! Life surely is a beautiful amalgamation of white and black, roses and thorns, evils and angels but our media is relentlessly painting our world as a cauldron of evil. We have already started reaping the bitter fruits of this mindless media onslaught! Aren’t increasing rates of suicides, rapes and murders enough reminders for us to speak up against the reckless media? Bol lures us to speak up against our centuries old religio-cultural traditions that have saved us from falling into despair! We certainly should speak up but not against producing children rather against those who are spreading hopelessness in society, shouldn’t we?

بے انت مرثیہ

اقبال کے خیال میں دین سیاست سے جدا ہوتوصرف چنگیزیت رہ جاتی ہے لیکن ذاتی مفادات کے حصول کے لیے مذہب کا سیاست میں استعمال جس بھیانک چنگیزیت کو جنم دے سکتا ہے اس کا تصور شاید اقبال نہ کر سکے۔ شام کی سر زمین سیاست میں مذہبی جنون کے استعمال کی نہایت ہی ہولناک مثال بن کر ہمارے سامنے آ رہی ہے۔ بشار الاسد کی آمریت کے خلاف جب جنوری 2011 میں اجتجاج شروع ہو ا تو یہ عرب دنیا میں اٹھنے والی اپنے حکمرانوں سے نفرت اور بیزاری کی اسی لہر کا تسلسل تھا جو اس سے پہلے تیونس ، یمن، الجیریا اور مراکش کو اپنی لپیٹ میں لے چکی تھی اور آہستہ آہستہ مصر اور لیبیا کی طرف بڑھ رہی تھی ۔ لیکن دوسرے ممالک کے برعکس بشار الاسد نے اس اجتجاج سے نپٹنے اور اپنے اقتدار کو بچانے کے لیے جو طریقہ اختیارکیا اس نے شام کو ایک خون ریز خانہ جنگی کی دلدل میں دھکیل دیا ہے۔دنیا بھر کے آمروں کو ملک کی سلامتی ،قانون کی سر بلندی اور لوگوں کی جان و مال اور عزت و آبرو سے بڑھ کر اپنا اقتدار عزیز ہوتا ہے یہ جب ڈوبنے لگتے ہیں تو اپنے ساتھ اپنے ملک کے امن اور سلامتی کو بھی ڈبونے کی کوشش کرتے ہیں تاکہ آنے والوں کے لیے حکومت کرنا ناممکن ہو جائے ۔بشارالاسد نے بھی اسی راستے کا انتخاب کیا۔

ابتدا میں شام میں اٹھنے والی اجتجاج کی لہر کسی بھی طرح کے مذہبی رنگ سے مبرا تھی۔ فری سیرئین آرمی سیکولر لوگوں پر مشتمل وہ گروہ ہے جو شام میں اسدی خاندان کی آمریت کا خاتمہ چاہتا ہے ۔ اجتجاج کی پہلی لہر اسی سیکولر گروہ کی طرف سے اٹھی تھی ۔ بشار الاسد نے اپنے اقتدار کی ڈوبتی ناؤ کو بچانے کے لیے شیعت کی چھتری تلے پناہ لی اور ایران اور لبنان میں موجود اپنے ہم مذہب جنونیوں کو یہ بادر کرانے میں کامیاب ہو گیا کہ شام میں بغاوت کا علم بلند کرنے والے دراصل اس کی آمریت کے خلاف نہیں بلکہ شیعت کے دشمن ہیں اور شیعت کی شا م میں بقا اس کی اقتدار کی کرسی سے جڑی ہوئی ہے۔ دوسری طرف شامی افواج اور بشار الاسد کے کے غنڈوں کے مظالم کا مقابلہ کرتے ہوئے مخالف گروہوں نے اپنی قوت کو بڑھانے کے لیے اسے سنی اکثریت پر شیعہ حکومت کے جور و جبر کے طور پر پیش کرنا شروع کر دیا۔ ایران سے شیعہ انقلابی اٹھے اور سنی باغیوں کو تہس نہس کرنے کے کارِ خیر میں اپنے شیعہ بھائی بشار الاسد کی مدد کے لیے شام پہنچ گئے۔ لبنان سے حزب اللہ اللہ کی رسی کو تھامے شا می عوام کے قتلِ عام میں اپنا حصہ ڈالنے دمشق آ وارد ہوئے۔ سنی جہادیوں کے لیے ایک شیعہ حکومت کو گرانے کا اس سے نادر موقع اور کہاں مل سکتا تھا چناچہ دنیا بھر سے جنگجو عازمِ شام ہوئے۔ سیکولر بشار الاسد کی سیکولر حکومت کے خلاف سیکولر فری سیرین آرمی کی بغاوت اب ایک ہولناک فرقہ وارانہجنگ کی صورت اختیار کر چکی ہے ۔ باغی گروہوں میں سیکولر قوتیں دم توڑ رہی ہیں اور القاعدہ اور اس سے منسلک گروہ زور پکڑ رہے ہیں ۔ عرب سپرنگ شام میں پہنچ کر ایک ایسی خوں چکاں خزاں بن چکی ہے جو عالم اسلام کے لرزیدہ نخل کو مزید کھوکھلا کرنے کا باعث بن رہی ہے۔

تاریخی اعتبار سے شام سنی اکثریتی علاقہ ہونے کے باعث سنی حکو متوں کا مرکز رہا ہے ۔ 1970 میں حافظ الاسد کے اقتدار پر قبضے سے لے کر موجودہ خانہ جنگی تک شام میں شیعہ حکومت کے خلاف کئی بغا وتیں اٹھیں جنہیں اسدی خاندان کی مضبوط حکومت کامیابی سے کچلتی رہی ۔ 1976 میں مختلف سنی گروہوں کی طرف سے حافظ الاسد کے خلافت بغاوت کی ایک لہر اٹھی جو کئی سالوں تک اسدی خاندان کی حکومت کے لیے خطرے کی گھنٹی بنی رہی اس بغاوت کا خاتمہ حافظ الاسد نے چالیس ہزار لوگوں کے خون کی بلی چڑھا کر کیا۔ فروری 1982 کو ستائیس دن تک حافظ الاسد کی فوج اس کے چھوٹے بھائی رفعت الاسد کی زیرِ کمان حامہ شہر کا محاصرہ کر کے قتلِ عام کرتی رہی۔ یہ شہر سنی اخوان المسلمون کا مرکز تھا جس کی نصف سے زائد سولین آبادی کو قتل کر کے حافظ الاسد نے اس بغاوت کا ہمیشہ کے لیے خاتمہ کر دیا۔ اسدی خاندان کا اقتدار شامیوں کے خون سے پروان چڑھا اور اب بشا رالاسد اپنے والد کے نقشِ قدم پر چلتے ہوئے ہزاروں شامیوں کے خون سے اپنے اقتدار کو دوام دینے کی کوششوں میں مصروف ہے ۔ حافظ الاسد چالیس ہزار شامیوں کو مروا کر 18 سال حکوت پر قابض رہا بشار الاسد ایک لاکھ شامیوں کے قتل سے اپنے ہاتھ رنگ چکا ہے لیکن ابھی تک اس کا پایہ تخت بغاوت کے نعروں سے لرز رہا ہے ۔دنیا بھر کا اجتماعی ضمیر بشارالاسد کی خون ریزی کی مذمت کر رہا ہے لیکن مسلمان ممالک خاموش ہیں ہاں ایران کا اسلامی انقلاب ابل ابل کر شامی آمریت کو بچانے کی کوششوں میں مصروف ہے ۔ ستم ظریفی یہ ہے کہ عربوں کو بادشاہتوں کا طعنہ دینے والا انقلابی ایران آج خود ایک باشاہت کو بچانے کے لیے مرا جا رہا ہے۔ 

مہذب دنیا آمریتوں کے گھن چکر سے نکل کر عوام کی رائے کا احترام کرنا سیکھ چکی لیکن دنیا بھر کے مسلمان ملک ابھی تک بادشاہتوں، آمریتوں اور فوجی بوٹوں کے آسیب سے نہیں نکل پائے ۔ ایک ایسا دور جب مغرب جانوروں تک کے حقوق کے لیے جنون کی حد تک سنجیدہ ہے بے چارے مسلمان اپنے حکمران چننے کا حق بھی ابھی تک حاصل نہیں کر پائے۔ کیا اس کی دجہ یہ ہے کہ اسلام آمریت کے لیے نرم گوشہ رکھتا ہے یا پھر مسلمان قوتِ عمل سے محرومی کے باعث بے زبان ریوڑ بن چکے ہیں؟ وجہ کچھ بھی رہی ہوعملی طور پر یوں لگ رہا ہے کہ آمریتوں کو نہ صرف مسلمان پسند کرتے ہیں بلکہ ان کو بچانے کے لیے اپنی جان دینے سے بھی گریز نہیں کرتے ۔ تہذیب سے ناآشنا قوموں کے لیے ون مین شو ہمیشہ سے بڑا پر کشش رہا ہے شاید مسلمان ابھی تک ون مین شو کے سحر سے نہیں نکل پائے یہی وجہ ہے کہ ابھی تک مسلمانوں کی کوکھ حسنی مبارک ، بشار الاسد اور پرویز مشرف کو جنم دے رہی ہے۔ شام مسلمانوں کی یبوست زدہ آمریت سے رائے عامہ کے احترام پر مبنی جمہوریت کی طرف سفر کا ایک ٹیسٹ کیس ہے اگر بشار الاسدفرقہ واریت کے جھنڈے تلے اپنے اقتدار کو دوام دینے میں کامیاب ہو جاتا ہے تو عرب دنیا کو بالخصوص اور مسلمان دنیا کو بالعموم کئی دہائیوں تک آمریتوں کے جبر تلے سسکنا پڑے گا ۔ افسوس کہ اسلام جو رنگ و نسل اور فرقوں و قبائل میں بٹی انسانیت کے لیے اتحاد کا پیغام تھا اس دورِ زوال کے مسلمانوں کے ہاتھوں یوں مسخ ہوا کہ اب اسی سے آمریتیں فرقہ واریت کا ہتھیار استعمال کر کے اپنی طوالت کا کام لے رہی ہیں۔ اب دیکھنا یہ ہے کہ بلادِ شام دور نو کاامید افزا پیغام بنتی ہے یا دورِ زوال کا بے انت مرثیہ۔

تماشا آن ہے

ایم کیو ایم کے منفرد طرزِ سیاست سے نفرت کرنے والوں کے کانوں میں برطانیہ میں ہونے والی عمران فاروق قتل کیس کی تفتیش رس گھول رہی ہے۔سکاٹ لینڈ یارڈ کا ہر نیا اقدام ان کے لیے ایک جانفزا مثردہ ہے اور وہ اس ساعتِ سعید کا انتظار کر رہے ہیں جب برطانوی پولیس قائدِ تحریک کو سرکاری مہمان خانے کی زینت بنائے گی۔ اب دیکھنا یہ ہے کہ جلترنگ بجنے کا یہ سلسلہ کب ختم ہوتا ہے

ایم کیو ایم کے مخالفین کے نزدیک کہانی نہایت سادہ ہے۔ الطاف حسین جو ہمیشہ سے سیاست میں تشدد کو عبادت کا درجہ دیتے رہے ہیں برطانیہ میں وہ غلطی کر بیٹھے جو پاکستان میں بڑے تواتر سے ان کی جماعت پچھلی تین دہائیوں سے کرتی آئی ہے ۔ عمران فاروق جو اپنی نئی سیاسی جماعت کی داغ بیل ڈالنے چلے تھے اپنے سابقہ قائد کی قائدانہ صلاحیتوں کا شکار ہوئے اور انہیں اسی انداز میں راستے سے ہٹنا پڑا جس طرح وہ مخالفوں کو ہٹاتے آئے تھے۔ الطاف حسین جب رو دھو کر اس’’ انہونی‘‘ کے ہونے کا ماتم کر چکے تو اچانک تین سال بعد اب بر طانیہ میں تفتیش کاروں کو عمران فاروق کے اندھے قتل کے سرے الطاف حسین سے جڑتے دکھائی دے رہے ہیں۔بڑے بڑے جاگیرداروں کو للکارنے والابے چارہ الطاف حسین سکاٹ لینڈ یارڈ کے معمولی سپاہیوں کے نرغے میں ہے

کیا کہانی واقع اتنی سادہ ہے ؟ کیا آزاد اور غلام قوموں کے نظاموں میں اتنی ہی وسیع خلیج ہے کہ غلام ملک میں کئی دہائیوں تک بلاناغہ درجنوں قتل کوئی معنی نہیں رکھتے اور آزاد ملک میں بہنے والا ایک خون کسی قومی تحریک کے بانی کا ِ پتہ پانی کر سکتا ہے؟ کیا برطانیہ کی سکاٹ لینڈ یارڈ اور ایم ۔آئی ۔سکس ہماری خفیہ ایجنسیوں کی طرح دو دہائیوں تک لسی پی کے سوتی رہیں اور اپنی گودمیں موجود الطاف حسین کی عجیب و غریب سیاسی اچھل کود سے بے خبر رہیں اور اب اتنی مدت بعد ہڑ بڑا کر اٹھی ہیں تو ان پر انکشافات کی بارش برس پڑی ہے ؟ کیا الطاف حسین کے برطانیہ کے خلاف 

واویلے حقیقی ہیں یا یہ بھی ان کی ماضی کی درخشاں فنکارانہ روایات کا تسلسل ہے؟ ا ن سوالات کا جواب ایم کیو ایم کی تاریخ سے جڑا ہوا ہے۔ 

لسانی بنیادوں پر بننے والی ایم کیو ایم کا دامن اپنے وجود کے روزِ اول سے ہی مخالفین پر تشدد اور انہیں قتل کرنے، بھتہ خوری اور بلیک میلنگ کے

 الزامات سے داغدار ہے ۔ طلبا تنظیم سے مہاجر قومی مومنٹ اور مہاجر سے متحدہ تک کا سفر ایم کیو ایم والوں کے لیے کامیابی اور ترقی کی داستان ہو سکتا ہے لیکن کراچی کی سر زمین کے لیے یہ ایک ایسا بھیانک خواب ہے جو ٹوٹنے کا نام ہی نہیں لے رہا۔ پاکستان کے معاشی مرکز کو یرغمال بنا کر ایم کیو ایم نے ہر حکومت کو اپنے مفادات کے حصول کے لیے بلیک میل کیا۔ پرویز مشرف کے اقتدا ر پر قبضے کے بعد کراچی میں ایم کیو ایم کو کھل کھیلنے کا خوب موقع ملا ۔ مشرف اپنے ناجائز اقتدار کے لیے ایسے سیاسی بھانڈوں کا محتاج تھا جو اس کے ہر اقدام کی تائید کر سکیں چناچہ ایم کیو ایم اور ق لیگ کی صورت میں اسے ایسے اتحادی مل گئے جو ہر طرح کے اصولوں سے پاک اور مفاداتی سیاست پر اس حد تک یقین رکھتے تھے کہ اگر اٹل بہاری باجپائی بھی پاکستان کے اقتدار پر قبضہ کر لیتا تو اس کے آگے بھی رام رام کرنے میں ذرا تامل نہ کرتے۔ ایم کیو ایم نے بالخصوص مفاد پرستی اور بلیک میلنگ کے فن میں باقی تما م سیاسی جماعتوں کو بہت پیچھے چھوڑ دیا۔۲۰۰۸ کے انتخابات میں پیپلز پارٹی کی لولی لنگڑی حکومت وجود میں آئی اور خدا خدا کر کے مشرف سے پاکستانی قوم کو نجات ملی لیکن بدقسمتی سے پیپلز پارٹی کو ایم کیو ایم اور اے ۔این ۔پی کی صورت میں ایسے اتحادیوں کا سہارا لینا پڑے جن کے ہوتے ہوئے کسی دشمن کی کوئی ضرورت نہیں رہتی۔ پیپلز پارٹی کا پانچ سال دورِ اقتدار جہاں بے عملی ، بد عنوانی اور نااہلیت کا ایک نمونہ تھا وہیں زرداری کی اقتدار سے چمٹے رہنے کی خواہش نے پیپلز پارٹی کو ایم کیو ایم کے ہا تھوں بد ترین بلیک میلنگ کا شکار کیے رکھا۔ اتحاد سے علیحدہ ہو جانے کی دھمکی وہ کارگر ہتھیار تھا جس کے ذریعے ایم کیو ایم نے حکومت سے اپنے تمامطالبات منوائے اور کراچی پر بلا شرکتِ غیرے راج کیا۔ 
 

حالیہ انتخابات کے بعد اب صورتِ حال یکسر بدل گئی ہے ۔ نواز لیگ کی واضح اکثریت کے سب اب ایم کیو ایم کے پاس بلیک میلنگ کا ایک بڑا اہم ہتھیار فی الوقت ناکارہ ہو چکا ہے ۔ایم کیو ایم اس صورتِ حال سے اگر پریشان نہیں تو افسردہ ضرور ہے ۔ ایم کیو ایم کا اصل مسئلہ یہ نہیں کہ الطاف حسین عمران فاروق کے قتل کی تفتیش میں پھنسگئے ہیں یا ان پر منی لانڈرنگ کا کیس بننے جا رہاہے بلکہ ایم کیو ایم کی اصل پریشانی اقتدار سے پانچ سال کی دوری ہے ۔ اس پر افتاد یہ کہ کراچی میں تحریک انصاف کی روز افزوں مقبولیت بھی ایم کیو ایم کے پایسی سازوں کی نیندیں حرام کر رہی ہے ۔ ایم کیو ایم کے پاس ایک ہی شہر ہے اگر یہ بھی چھن گیا تو کا لیا کیا کرے گا ؟ یہ وہ سوال ہے جو ایم کیو ایم کے اعصاب کو بری طرح شکستہ کر رہاہے۔ 

جو لوگ سکاٹ لینڈ یارڈ کی الطاف حسین سے قتل اور منی لانڈرنگ کی تفتیش کو ایم کیو ایم کے لیے سب سے بڑا دھچکا قرار دے رہے ہیں وہ سخت غلط فہمی کا شکار ہیں۔ یہ تسلیم کرنا آسان نہیں کہ برطانیہ کے چاک و چوبند ادارے تین دہائیوں تک الطاف حسین کے کارناموں سے نا واقف رہے ۔ ہاں یہ بات قرین قیاس ہے کہ برطانیہ نے اپنے مقاصد کے لیے قائدِ تحریک کی صلاحیتوں سے جس حد تک فائدہ اٹھا نا تھا اٹھا چکا اب چونکہ اسے کسی نئے گھوڑے کی تلاش ہے اس لیے وہ پرانے ٹشو پیپر کو تلف کرنے جا رہاہے یا پھر یہ بھی عین ممکن ہے کہ اس سارے ڈرامے کا مقصد الطاف حسین کو تمام الزامات سے پوتر کر کے پاکستانی حکومت سے اس کے خلاف بنے ہوئے تما م کیسز پر خطِ تنسیخ پھیروانا ہو۔ وجہ جو بھی رہی ہو حالیہ ہلچل کا تعلق ایم کیو ایم کے مستقبل سے جڑا ہوا ہے۔ اس سارے تماشے کے پسِ پردہ کون ہے یہ وقت بتائے گا لیکن اتنا بحر حال واضح ہے کہ ایم کیو ایم ایسے تمام کھیلوں کا ہنسی خوشی حصہ بنتی ہے اور الطاف حسین ناٹک بازی کے فن میں مہارتِ تامہ رکھتے ہیں۔ ایم کیو ایم کی سیاست سمجھنے کے لیے دھونس اور دھوکے بازی کی ابجد سے شناسائی ضروری ہے چونکہ ہم سب اس کوچے سے نابلد ہیں اس لیے اس اونٹ کے کسی کروٹ بیٹھنے کا انتظار کرنے کے سوا کچھ نہیں کر سکتے۔ سو دیکھتے ہیں جب تک تماشا آن ہے!

نئی حکومت اور ایک دیرینہ خواب

امن اگر باتوں کے طوطے مینا اڑانے سے آتا تو پیپلز پارٹی کی سابقہ حکومت سے بہتر کوئی نہیں لا سکتا تھا۔دہشت گردی کے عفریت کا مکروہ سر اگر صرف بیانات سے کچلا جا سکتا توسابقہ وزیر داخلہ یہ کام کب کا بہ احسن و خوبی کر چکے ہوتے۔ پاکستان کو امریکی جنگ میں کودے ایک دہائی سے زائد کا عرصہ ہونے کو آیا ہے ق لیگ کی مشرف زدہ حکومت سے لے کر جمہوریت کو بہترین انتقام بنانے والی پیپلز پارٹی کی بے سروپا حکومت تک دہشت گردی کے خلاف ہمارے سیاست دان نہایت مدبرانہ انداز میں پریس کانفرنسوں اور اخباری بیانات میں مسلسل اچھلتے کودتے رہے اور اس لعنت کو جڑ سے اکھاڑ پھینکنے کے کھوکھلے دعوؤں سے پاکستانی عوام کے فشارِخوں کومسلسل بڑھاتے رہے۔
نواز لیگ نے جب حکومت کی زمام کار سنبھالی تو اور بہت سی امیدوں کے ساتھ یہ حسرت بھی پاکستانی عوام کے کے دل و دماغ میں مچل رہی تھی کہ دہشت و بربریت کے اس ہولناک سلسلے کو روکنے کے لیے نئی حکومت فورا اقدامات اٹھائے گی اور سابقہ حکمرانوں کی سنگدلانہ بے حسی سے دور رہے گی۔ نواز لیگ سے توقعات اس لیے بھی بڑھی ہوئی ہیں کہ اس جماعت کے پاس مسخروں اور جوکروں کا وہ ٹولا نہیں جو ق لیگ اور پیپلز پارٹی کے ماتھے کا جھومر رہا اور جس نے ان دونوں جماعتوں کا بیڑہ غرق کرنے میں نمایاں کردارادا کیا لیکن بد قسمتی سے دو ماہ کا عرصہ بیتنے پر بھی دہشت گردی جیسے اہم مسئلے پر حکومتِ موجودہ بھی کوئی واضح سمت متعین کرنے میں ناکام رہی ہے اور سابقہ حکومتوں کی پامال روش پر چلتے ہوئے صرف گفتارہی کے گھوڑے دوڑا تی دکھائی دے رہی ہے ۔

کہیں ایسا تو نہیں کہ بلند بانگ دعوں کی رتھ پر سوار نواز لیگ کی حکومت کے پاس بھی دہشت گردی کے مسئلے کے حل کا کوئی واضح لائحہ عمل موجود ہی نہیں ۔ توانائی کے بحران کو حل کرنے کے انتخابی دعوؤں کی طرح کہیں دہشت گردی سے نجات کے وعدے بھی صرف جوش خطابت تو نہیں تھے!اگر ایسا ہے اور بظاہر یوں لگ رہا ہے کہ ایسا ہی ہے تو پھر پاکستانی قوم کو ابتلا کے مزید پانچ سال مبارک ہوں۔ خیا ل یہ بھی ہے کہ خارجہ پالیسی اور دہشت گردی کی جنگ میں کردار کے تعین کا اختیار کبھی بھی ہمارے سیاست دانوں کے پاس نہیں رہا۔ دہشت کو روکنے یا اسے پھیلانے کاکلی اختیارفوجی بوٹوں کے پاس رہا ہے جنہوں نے ہمارے بے چارے سیاست دانوں کو کبھی اس قابل نہیں سمجھا کہ ملکی بقا کے اس مسئلے پر ان کی رائے جان لی جائے۔ چناچہ سیاسی حکومتیں تبدیل ہوتی رہیں لیکن دہشت گردی کے مسئلے پر پالیسی میں ذرا برابر بھی فرق نہیں آیا۔ چاہے سیکولر پیپلز پارٹی ہو یا دائیں بازو کی نواز لیگ سب کی پالیسی اس مسئلے کے حل کے لیے ایک ہی رہی ہے ! صرف زبانی جمع خرچ ! پاکستانی عوام نے ق لیگ کو اس لیے دھتکارا کہ وہ پاکستان کو آگ و خون کی اس جنگ میں دھکیلنے والے مشرف کی باقیات تھی ، پیپلز پارٹی کو اس لیے عبر ت ناک شکست سے دو چار کیا کہ پانچ سال تک وہ دہشت گردی کے مسئلے کو حل کرنے کا صرف ناٹک کرتی رہی اور نواز لیگ کو اس لیے بھاری مینڈیٹ سے نوازا کہ یہ جماعت شروع سے ہی مشرف کی احمقانہ پالیسیوں کی سخت ناقد رہی ہے۔ لیکن اگر نواز لیگ کی حکومت نے بھی اپنی حکمت عملی کو امریکی اشارہِ ابرو سے جوڑے رکھا اور خارجہ پالیسی کو بے مغز جرنیلوں کے ہتھے چڑھائے رکھا تو اس کا انجا م بھی اس کی پیشرو حکومتوں سے کچھ زیادہ بہتر نہیں ہو گا۔ 

عام انتخابات میں ووٹروں کے رجحان نے یہ واضح کر دیا ہے کہ پاکستانی عوام کرائے کی اس جنگ سے نکلنا چاہتے ہیں لیکن بدقسمتی سے اس جنگ کی طنابیں کھینچنے کا اختیا ر جن قوتوں کے پاس ہے انہیں عوامی رائے سے کچھ سروکار نہیں۔ عوام کو انہوں نے پہلے کبھی درخورِ اعتنا سمجھا نہ آئندہ سمجھنے کا ارادہ رکھتے ہیں ۔ قومی سلامتی کی ایک احمقانہ تعبیر کے زیرِ اثر ان قوتوں نے ہمیشہ سے پاکستان کو پرائی جنگوں کا ایندھن بنائے رکھا اور ہمارے سیاسی نظام کو اسی خوف سے پنپنے نہ دیا کہ کہیں سیاست دان عوامی رائے کے زیرِ اثر ملکی تقدیر کے فیصلے اپنے ہاتھوں میں لینے کا نہ سوچ بیٹھیں۔

بظاہر ایک آزاد میڈیا اورطاقتور عدلیہ کی موجودگی میںیہ بات بڑی حیران کن ہے کہ اہم قومی امور پر فیصلے کرنے کا اختیا ر ہماری سیاسی حکومتوں کے پاس نہیں۔ یوں لگتا ہے کہ ہمارے سیات دان صرف کرپشن کرنے میں آزاد ہیں باقی معاملات میں وہ بے جان کٹھ پتلوں سے زیادہ حیثیت نہیں رکھتے ۔ اب دیکھنا یہ ہے کہ بھاری مینڈیٹ والی نواز حکومت بھی کٹھ پتلی بن کر غیر سیاسی قوتوں کے اشاروں پر ناچنے پر اکتفا کرے گی یا پھر جنگِ دہشت گردی کے وبال سے پاکستانی قوم کو نجات دلانے کے لیے اختیارات کو اپنے ہاتھوں میں لینے کی جدو جہد کرے گی۔ اگر نواز حکومت کے پالیسی ساز افغانستان سے امریکی فوج کے انخلا اور اس کے نتیجے میں ممکنہ امن پر نظریں جمائے بیٹھے ہیں تو یہ ان کی بھول ہے ۔جب تک پاکستان کی سیاسی قوتیں داخلی و خارجی امور پر فیصلے کرنے کا اختیار غیر سیاسی قوتوں سے چھین کر اسے عوامی امنگوں کے مطابق نہیں بناتیں ہماری سرزمین پر امن ایک خواب ہی رہے گا۔ 

دہشت گردی کے مسئلے اور توانائی کے بحران نے ہمارے کاغذی سیاست دانوں کو ننگا کرنے میں اہم کردار ادا کیا ہے۔ اب یہ واضح ہو چکا ہے کہ ہماری کسی سیاسی جماعت کے پاس کسی مسئلے کا کوئی حل موجود نہیں ۔ یہ انتخابات میں بڑھکیں مارتے حکومت کے ایوانوں تک پہنچتے ہیں اور لوٹ کھسوٹ کے اپنے ازلی مشن پر جت جاتے ہیں اوراپنی مدت ختم ہونے پر یہ افسانوی اعدا د و شمار سے عوام کو احمق بنانے کی کوشش کرتے ہیں ۔ دہشت گردی کے عفریت کے سر اٹھانے اور توانائی کے بحران کاطوفان اٹھنے سے پہلے جھوٹ موٹ کے خیالی اعداد و شمار سے کام چل جا یا کرتا تھا اور پاکستان کے سادہ لوح عوام سیاست دانوں کے دکھائے گئے سبز باغوں کر برداشت کر لیا کرتے تھے لیکن اب جب تپتے موسم میں گھروں میں پنکھے نہ چلیں اور بازاربم دھماکوں سے گونجتے رہیں تو عوام بے عمل اور کوڑھ مغز سیاست دانوں کو کیسے برداشت کریں! پہلے ق لیگ عوامی نفرت کا نشانہ بنی پھر پیپلز پارٹی پر قہر ٹوٹا اور اب نواز لیگ نشانے پر ہے ۔ جھوٹے اعدادو شمار اور حیلے بہانوں سے نہ گھروں میں پھنکے چل سکتے ہیں نہ بازاروں میں امن آ سکتا ہے ۔ موجودہ حکومت اگر اپنے پیشرؤں کے انجام سے بچنا چاہتی ہے تو اسے چند جرائت مندانہ اقدامات اٹھانا ہوں گے ۔ پاکستان کو آگ و خون کے کھیل سے نکالنا اب ناگزیر ہو چکا ہے۔ امن بے سمت ملٹری آپریشنز کے ذریعے لایا جا سکتا تو پاکستان کب کا امن و آشتی کے جھولے جھول رہا ہوتا۔ نواز لیگ کی حکومت کو پاکستان کے بیرونی اور اندرونی آقاؤں کی آنکھوں میں آنکھیں ڈال کر اصل اقتدار حاصل کرنا ہو گا اور پاکستان کے داخلی و خارجی معاملات کو عوامی امنگوں کے مطابق ڈھالنا ہو گا۔ کیا آمریتوں کی گود میں پلی نواز لیگ اتنی جرائت کر ۔پائے گی یہ ایک بڑا سوالیہ نشان ہے جس کا جواب آنے والے چندماہ و سال دیں گے 

پاکستانی سیاست کے وینا ملک

عنوان سے کہیں یہ نہ سمجھیے کہ ہم ملک برادری کے نام اور مقام کو بلند کرنے والی کسی فاحشہ کی آبرو باختگی کا مرثیہ کہنے لگے ہیں۔ نہ ہی ہمارا مقصد پاکستان کے سافٹ امیج کی بیرونِ ملک زورو شور سے تشہیر کرنے والی کسی باکمال فنکارہ کی تضحیک ہے۔  ہم دراصل اس حیرت انگیز مماثلت کا ذکر کرنا چاہتے ہیں جو وینا ملک اور ہمارے بہت سے سیاست دانوں کے درمیان پائی جاتی ہے اور جس کا سب سے واشگاف اظہار تازہ تازہ درآمد ہونے والے ہمارےایک انقلابی لیڈر کے ہاں ہوا۔ فن اور سیاست جو دو متضاد دنیائیں ہیں ان کے دو کھلاڑیوں کے درمیان اس حد تک اشتراکِ خیال نے ہمیں بھونچکا ہونے پر مجبور کر دیا ہے اور ہم حیران ہیں کہ دل کو روئیں یا جگر کو پیٹیں۔ یہ مماثلت کیا ہے اس کا ذکر ہم آگے چل کر کریں گے پہلے سفرِ انقلاب کی بات ہو جائے۔

جب خواب زادہ طاہر القادری پاکستان کے دکھی عوام کے لیے مسیحا بننے کی آس میں بڑی شا ن و شوکت اور جاہ و جلال سے کینیڈا سے پاکستان نازل ہوئے اور لاہور میں ایک انقلاب آفریں خطاب میں تبدیلی کا نعرہِ مستانہ بلند کیا تو بہت سے لوگوں کا ماتھا اسی وقت ٹھنک گیا تھا کہ پاکستانی سیاست کی یہ وینا ملک نہ جانے کون سے نئے گل کھلانے نکل کھڑی ہوئی ہے۔اسلام آباد کے لایعنی دھرنے نے اس خیال کو مزید تقویت دی تھی کہ ہو نہ ہو شیخ الاالسلام اپنے کسی بے سروپا خواب کی رتھ پر سوار سلطنتیں فتح کرنے نکلے ہیں۔ بھلا ہو پیپلز پارٹی کی مست حال حکومت کا جنہوں نے اپنی بے عملی سے مولانا کے غبارے سے ہوا نکال دی اور مولانا کا دھرنا دھرے کا دھرے رہ گیا۔ ہونا تو یہ چاہیے تھا کہ شیخ الاالسلام اس دھرنے کی درگت سے سبق سیکھتے اور چپکے سے واپس کینیڈا چلے جاتے جہاں بہت سی گوریاں ان کے مواعظ سے آغوشِ اسلام میں آنے کے لیے یقیناًبے قرار ہوں گی لیکن ستاروں سے آگے ابھی کچھ جہاں باقی تھے جنہیں فتح کرنے مولانا سپریم کورٹ آ دھمکے۔

عدل کے اعلیٰ ایوانوں میں مولانا کی جو آؤبھگت ہوئی اور انہیں جس طرح بے آبرو ہو کر یہاں سے تشریف لے جاناپڑا وہ یقیناًہماری تاریخ کا ایک دکھی باب ہے اور اس کا تذکرہ کرنا کچھ مناسب نہیں لیکن اتنا ذکر کرنا بحر حال ضروری ہے کہ مولانا کا مقصد نہایت دلپذیر تھا وہ پاکستا ن کے عوام کو ایک ایسا الیکشن کمیشن دینا چاہتے تھے جو مولانا کے علاوہ ہر امیدوار کو نااہل قرار دے اور یوں مولانا اور ان کی پارٹی کی صورت میں ایک ایسی صاف ستھری قیادت پاکستانی عوام کو مہیا کرے جو اپنے اور ان کے دکھوں کا مداوا کرے ۔ افسوس کہ سپریم کورٹ کے کوتاہ بیں جج مولانا کی منطق کو سمجھ نہیں پائے اور دہری شہریت میں ہی الجھے رہ گئے۔ یہ بات سمجھنے کے لیے ارسطو یا افلاطون ہونے کی ضرورت نہیں کہ مولانا نے کینیڈا کی شہریت کسی ذاتی منفعت یا فائدے کے لیے حاصل نہیں کی بلکہ اس کا واحدمقصد ترویجِ اسلام تھا جو ظاہر ہے کفرستان کی وادیوں میں حوریانِ فرنگ کے درمیاں زیادہ بہتر طور پر کی جاسکتی ہے لیکن ہمارے جج صاحبان مادی دنیا کے مسائل میں اس حد تک الجھے ہوئے ہیں کہ روحانیت کے یہ اسرار و رموز سمجھ نہیں پائے اور یوں ایک عظیم انقلابی لیڈر کو دھتکار کر گناہِ عظیم کے مرتکب ہوئے۔ خدا ان کی حالت پر رحم کرے۔

جو لوگ اس خام خیالی میں ہیں کہ شیخ الالسلام پاکستانی عدلیہ کے اس افسوس ناک رویے سے دلبرداشتہ ہو کر اب چپکے بیٹھ جائیں گے انہوں نے شاید وینا ملک کے دبستانِ خیال (سکول آف تھاٹ) کا اچھی طرح مطالعہ نہیں کیا۔ وینا ملک اگر پاکستان کی زوال پذیر فلم انڈسٹری کی خستہ حال کشتی میں بیٹھی رہتی تو کب کی گمنامی کی لہروں میں بہ چکی ہوتی اور آج کوئی اس نادرِ روزگارفنکارہ کے نام سے بھی واقف نہ ہو تا لیکن ایک پیشہ ور جنگجو کی طرح وینا نے حالات کے آگے جھکنے کی بجائے اپنے ان خفیہ اور خفتہ ہتھیاروں سے جنگ آزمائی شروع کر دی جنہیں عام کمزور دل گردے والے جنگجو یوں سرِ عام استعمال کرنے کاسوچ بھی نہیں سکتے۔ سر زمینِ ہند چونکہ طالع آزمائی کے لیے زیادہ مناسب تھی اس لیے وینا نے ادھرکا رخ کیا اور اپنی صلاحیتوں کے وہ جوہر دکھائے کہ زمانہ عش عش کر اٹھا۔ آج وینا اپنی شبانہ روز جدوجہد سے ترقی کے اس بامِ عروج پر پہنچ چکی ہے کہ ہندوستان میں جب بھی بے باکی یا عرفِ عام میں عریانیت کا ذکر ہوتا ہے تو پاک سر زمین کی اس ناری کا نام سرفہرست لکھا جاتا ہے۔وینا کی طرح شیخ الاالسلام بھی حالات کے سامنے جھکنے والے دکھائی نہیں دیتے ۔ انہوں نے بھی اپنا مقصد حاصل کرنے کے لیے وینا ہی کی طرح ہر قربانی دینے کا فیصلہ کر لیا ہے ۔ چناچہ اپنے نعرہِ مستانہ سے یہ کبھی پاکستانی کی سوئی ہوئی عوام کو جگانے کی کوشش کرتے ہیں کبھی فوج کو ہمرکاب ہونے کی دعوت دیتے ہیں اور کبھی عدلیہ کے ضمیر کو جھنجوڑنے کی کوشش کرتے ہیں لیکن بدقسمتی سے اب تک کے ان کے سارے تیر خالی گئے ہیں۔ کچھ لوگوں کا یہ خیال کہ شیخ الالسلام اقتدار کی ہوس میں باؤلے ہو چکے ہیں بالکل اسی طرح جھوٹ ہے جیسے یہ کہنا کہ وینا ملک شہرت کی حرص میں پاگل ہوچکی ہے ۔ دونوں اپنی اپنی دنیاؤں کے فنکار ہیں اور دونوں کا یہ مشترک اصول ہے کہ اپنا مقصد حاصل کرنے کے لیے کیا جانے والا کوئی فعل غلط نہیں ہوتا چاہے آپ کو کسی انتہا پر ہی کیوں نہ جانا پڑے ۔ ہاں دونوں کا طریقہ واردات مختلف ہے جس کی وجہ سے ایک کو بے ننگ ونام فاحشہ اور دوسرے کو شیخ الالسلام کا لقب دیا جاتا ہے۔

یہ کوئی حیران کن انکشاف نہیں کہ ہماری سیاست ویناؤں سے بھری پڑی ہے ۔ مقصدِ اقتدار حاصل کرنے کے لیے ہمارے سیاست دانوں کی اکثریت معاشرے کے تمام مروجہ ضوابط کی دھجیاں بکھیرنے سے گریز نہیں کرتی۔ کوئی اخلاقی قدر ، کوئی قانونی ضابطہ اور کوئی مذہبی اصول ان کے راستے کی زنجیر نہیں بن سکتا ۔ ہر حد کو توڑ کر یہ اقتدار کے ایوانوں تک پہنچتے ہیں اور پاکستان کے مظلوموں کو بھوک افلاس اور کرپشن کے تحفے دیتے ہیں۔ طاہر القادری پاکستانی سیاست کے اسی قبیلے کے سب سے بڑے سر خیل بن کر منظر پر طلوع ہوئے ہیں۔ اب دیکھنا یہ ہے کہ سپریم کورٹ کے کوچے سے بے آبرو ہو کر نکلنے کے بعد شیخ الالسلام صاحب کس گلی کا رخ کرتے ہیں۔ اتنا طے ہے کہ کہانی ابھی ختم نہیں ہوئی۔ وینا ملک اور طاہر القادری ہر دو کے ترکش میں ابھی کچھ تیر باقی ہیں۔

روایتی جمہوریت کے کرتوت اور عمران خان

آج سےلگ بھگ پانچ سال قبل پرویزی آمریت کی بساط لپٹنے پر جن جمہوریت پسندوں کی باچھیں کھل کر کانوں کی لوؤں کو چھو رہی تھیں اوربغلیں بجاتے جن کے ہاتھ نہ تھکتے تھے اب جمہوریت کی برکات سے کامل پانچ سال تک لطف اندوز ہونے کے بعد ان کی باچھیں واپس اپنی جگہہ پر آچکی ہیں اور بغلیں بھی یکسر خاموش ہیں۔اب جبکہ پاکستانی جمہوریت کا ایک اور بیہودہ ناٹک تمام ہونے کو ہے اور انتخابات کا پردہ اٹھنے کے بعد نئے نوٹنکیوں، نوسر بازوں، بھانڈوں اور بے مغز کٹھ پتلوں کی ایک فوج ظفر موج سٹیج پر جمہوری اودھم مچانے کے لیے بے تاب بیٹھی ہے تو یہ جمہوریے انگشت بدنداں ہیں کہ کہاں جائیں! مشرف جو بے آبرو ہو کر اقتدار کے کوچے سے بھاگاتھا اس جمہوریت کی پانچ سالہ بے مثال کارکردگی نے اس کے مردہ دہن میں بھی جان ڈال دی ہے اوروہ پٹر پٹر اپنے دور کے کارناموں کا موجودہ دور کے ساتھ موازنہ کر کے یہ ثابت کر رہا ہے کہ اس کے دور میں دودھ کی نہریں بہتی تھیں جو موجودہ حکمرانوں کی نااہلی کی وجہ سے گندے نالوں میں تبدل ہو چکی ہیں! پاکستانی گینزبک میں سب سے زیادہ گالیاں کھا کے بھی بے مزہ نہ ہونے کا ریکارڈ رکھنے والا مشرف اب اس لیے افسردہ ہے کہ اس کا یہ منفرد اعزاز موجودہ حکمرانوں نے اپنی شبانہ روز کوشش سے اس سے چھین لیا ہے۔

دنیا بھر میں جمہوریت اگر معاشرے کے بہترین افراد کے ذریعے نظامِ حکومت چلانے کا نام ہے تو ہمارے دیس کی الٹی گنگا میں یہ بدترین افراد کے ذریعے لوٹ مار کا ایک بھیانک نظام ہے جس میں لوٹنے والے کو معزز حکمران اور لٹنے والوں کو مظلوم عوام کہا جاتا ہے ۔ دنیا کی سو سے زائد جمہوریتوں پر نظر دوڑائیں آ پ کو کہیں زرداری ، راجہ پرویز، بلور، رحمن ملک، رئیسانی اور قائم علی شاہ دکھائی نہیں دیں گے۔ ایسے نادر نمونے صرف پاکستانی جمہوریت کی انوکھی کوکھ سے ہی نمودار ہو سکتے ہیں۔ پاکستانی انتخابات کی چھانی میں نہ جانے کیا چھید ہیں کہ یہ کھرے اور کھوٹے کو الگ نہیں کر سکتی اس لیے ہر دفعہ ایسےشگوفے حکمرانی کے لیے طلوع ہوتے ہیں جومعاشرے کے سب سے مضحکہ خیز کردار سمجھے جاتے ہیں اورپاکستانی عوام کواپنے ناکردہ گناہوں کی سزا کے طور پر ان اودھ بلاؤں کے کرتب خندہ پیشانی سے برداشت کرنے پڑتے ہیں۔ جب پاکستانی عوام ان جمہوری ناٹکوں کی یکسانیت سے بور ہونے لگتے ہیں تو جمہوریت کی بڑی بہن آمریت میدان میں اتر آتی ہے اور اپنے باوردی جوکروں کے ذریعے نئے نئے کرتب دکھا کر عوام کے ذوق کی تسکین کرتی ہے ۔ ادل بدل کا یہ سلسلہ پچھلے سڑ سٹھ سالوں سے جاری ہے اور کون جانے کب تک جاری رہے۔

طاہر القادری کے بے سرو پا لانگ مارچ کے موقع پر سب سیاسی گماشتوں کا لاہور میں اکٹھ پاکستانی عوام کو یہ سمجھانے کے لیے کافی تھا کہ لوٹ کھسوٹ ، قتل و غارت ، بدامنی و مہنگائی ہمارے ان سیاست دانوں کے لیے کبھی بھی اتنا بڑا مسئلہ نہیں رہے کہ یہ ان کے تدارک کے لیے اکٹھے ہوتے ہاں جب ممکنہ اقتدار میں نقب لگنے کا ڈر ہو تو یہ ہر اختلاف بھلا کر ایک ہی تھالی کے چٹے بٹے بن جاتے ہیں اور جمہوریت کی مقدس گائے کی رکھشا کا عزم کرتے نہیں تھکتے۔ پچھلے پانچ سالوں میں پاکستان کے عوام جس سکھا شاہی نظام کے عذاب تلے سسکتے رہے ان کی آواز حزب اختلاف کو بننا تھا لیکن رائے ونڈ کے محلات میں سرور کے نغمے بجتے رہے اور ن لیگ آنے والے پنج سالہ اقتدار کے خوابوں میں یوں ہلکورے لیتی رہی کہ بھوک ا ور افلاس کے ہاتھوں خودکشیاں کرتے بے کسوں کی چیخیں بھی اس کے سکون میں خلل نہ ڈال سکیں۔ پاکستانی جمہوریت اقتدار حاصل کرنے سے شروع ہوتی ہے اور پانچ سال پورے کرنے پر ختم ہو جاتی ہے ۔ اس سے آگے پیچھے سوچنے کی شاید اس میں صلاحیت ہی نہیں! اب جب کہ دونوں بڑی پارٹیوں نے یہ فیصلہ کر لیا ہے کہ ایک دوسرے کو پانچ سال لوٹ کھسوٹ کا پورا پورا موقع فراہم کرنا ہے اور درمیان میں کہیں رنگ میں بھنگ ڈالنے کی کوشش نہیں کرنی تو لگتا یہ ہے کہ پاکستانی جمہوریت کے کرتوت زیادہ کھل کر عوام کے سامنے آئیں گے۔

جو لوگ آنے والے انتخابات کے ذریعے نظام تبدیل کرنے کی آس لگائے بیٹھے ہیں ان میں نوجوانوں کی ایک بڑی تعداد شامل ہے جو کالجوں اور یونیوسٹیوں سے تازہ تازہ وارد ہوئے ہیں اور جنہیں پاکستانی جمہوریت کے اصل چہرے سے ابھی پوری طرح شناسائی نہیں۔ یہ نوجوان جن کے جذبوں کی آنچ ابھی زمانے کی سرد ہواؤں کے ہاتھوں ماند نہیں پڑی عمران خان پہ تکیہ کیے بیٹھے ہیں ۔ اس عمران خان پہ جس کو روایتی سیاست دانوں کے غولِ بیابانی نے گھیر لیا ہے اور جس کے سونامی کی دھاڑ اب معمولی ممناہٹ سے زیادہ کچھ نہیں۔ یو ں لگ رہا ہے کہ اسٹیبلشمنٹ کے خفیہ ہاتھوں نے عمران کی ٹیم میں اپنے آزمودہ کارگرگے ڈال کر ٹیم سپرٹ کا ستیاناس کر دیا ہے اور جذباتی کپتان کو سمجھ نہیں آرہی کہ اب ان کے نرغے سے کیسے نکلے ۔عمران کے نوجوان تقدیر بدل سکتے ہیں لیکن پاکستانی قوم کی قسمت کی باگ ڈور سنبھالنے سے پہلے انہیں بھیڑیوں کے اس بے رحم غول کا سامنا ہے جو ہوس اقتدار میں باؤلے ہو چکے ہیں اس لیے ہر حد سے گزرنے پر تلے بیٹھے ہیں۔اگر پاکستانی عوام کو روایتی جمہوریت کے جال سے نکل کر اصلی جمہوریت کی طرف بڑھنا ہے تو پی پی اور ن لیگی سیاست کدو ں کے سحر سے نکلنا ہو گا۔ عمران میں لاکھ برائیاں سہی لیکن وہ نواز شریفوں اور زرداریوں سے بہت بہتر انتخاب ہے ۔آزمائے ہووں کو آزمانے سے کیا یہ بہتر نہیں ہو گا کہ کسی نئے جذبے سے آس لگا لی جائے۔